Бировнинг оёғи устидан хатлаб ўтса бўладими? 12.04.2018

Ассалому алайкум, ҳурматлиМухлис.узсайти маъмурияти.Сизларга бир саволим бор эди: диванда икки киши ухлайди, ярим тунда зарур бўлганда ташқарига чиқиш учун оёғи устидан ўтиб кетилади. Ухлаб ётган кишининг оёғи устидан ўтса ёмонми? Касали бўлса, оғирлиги тушади, дейдилар. Шу ростми ёки иримми? Мен иримчилар бизлардан эмас, деган ҳадисни ўқигандим.

Солиҳ амаллар истиғфор ўрнига ўтадими? 10.04.2018

Ассалому алайкум! Ҳадисларда баъзи амалларни адо қилиш гуноҳлар кечирилишига сабаб бўлиши айтилган. Мисол учун, таомланишдан кейин ўқиладиган ҳамд маъносидаги дуолар ёки баъзи нафл намозлар, яна нафл рўзалар. Ўша амалларни ихлос ила адо қилган банданинг гуноҳлари кечирилиши ваъда қилинган. Сўрамоқчи бўлганимиз шуки, маълум бир ададларда истиғфор калималарини айтмаётган, лекин ҳадисларда тарғиб қилинган юқоридаги каби амалларни адо қилаётган мусулмон банда қайсидир маънода истиғфор амалини адо қилган ҳисобланадими?

Сабаби номаълум касаллик давоси.10.04.2018

Ассалому алайкум. Саволим шуки, мен нима иш қилсам ҳам, нимагадир қўл урсам ҳам, охирги пайтларда ҳаммаси чаппасига кетяпти. Нимадир қилмоқчи бўлсам, уддалай олмаяпман. Тез-тез касал бўладиган бўлиб қолдим. Касалхонадан кўрикдан ўтсам ҳаммаси яхши эканлигини айтишди. Ҳар хил нарсаларни ўйлайверадиган, сабабсиз сиқилаверадиган бўлиб қолдим. Нима бўлаётганини ўзим ҳам тушунмаяпман. Нима қилсам бўлади? Илтимос, тўғри йўл-йўриқ кўрсатинг. Олдиндан раҳмат!

Шерикларнинг бири ноҳақлик қилса, қандай йўл тутиш керак? 07.04.2018

Ассалому алайкум, қори ака. Мен сиздан бир ҳолат бўйича маслаҳат сўрамоқчиман: шерикчиликда 3 киши тенг харажат қилса-ю, лекин орасидан биттаси жуда ҳам кўп еб, ҳатто 1 кунда 5-6 маҳалдан ўртада қилинган харажатдаги егуликлардан еса, қолган 2 кишини ҳаққини еган ҳисобланмайдими? Агар гапирсак, бизга гуноҳ бўлмасмикан? Илтимос, шунга маслаҳат берсангиз!

Телефондаги азон ортидан ҳам такрорланадими? 07.04.2018

Ассалому алайкум. Эрталаб намоз вақти киришидан бир соат-ярим соат олдин будилник қўйиб қўяман. Будилникка азонни қўйганман. Будилникка қўйилган азонни кетидан ҳам қайтариладими (намоз вақти кирмаган бўсаям)? Азон охирига етмасдан будилникни ўчирса бўладими?