РОСУЛУЛЛОҲ СИЗГА ЎХШАГИМ КEЛДИ!

Менинг ҳам ҳолимдан олиб бир хабар,
Кўчамда майин бир шабода елди.
Дунйодан иймонсиз кетмогъим хатар,
Росулуллоҳ сизга ўхшагим келди.

Дунё ишларидан дилларим вайрон,
Аҳволимдан жамий одамлар ҳайрон.
Қиёмат кунида турсам ёнмаён,
Росулуллоҳ сизга ўхшагим келди.

Ким учун гоҳида кулгулар бўлиб,
Кулсинлар майлига устимдан тўйиб.
Динимни биринчи ўринга қўйиб,
Росулуллоҳ сизга ўхшагим келди.

Совгъа қилмасинлар дунё керакмас,
Инсонлар излаган тилло керакмас.
Сизни севолмаган юрак юракмас,
Росулуллоҳ сизга ўхшагим келди.

Гъафлатда қолмайин айтилса азон,
Ойлаб қайнамасин уйимда қозон.
Қолган умримни ҳам қилмайин ҳазон,
Росулуллоҳ сизга ўхшагим келди.

Чаман гулзоримда ўсиб янтоқлар,
Инсонлар қалбини айламиш догълар.
Муштоқ бўлиб кутган Жаннат-у богълар,
Росулуллоҳ сизга ўхшагим келди.

Асъҳоблар кўзлаган мақсадга етмиш,
Иймонин олиблар дунйодан кетмиш.
Бир кун афсонага айланар ўтмиш,
Росулуллоҳ сизга ўхшагим келди.

Гарчи сиз каби бўлолмасам ҳам,
Барча сунннатингиз тутолмасам ҳам.
Саҳобалардек яшагим келди,
Росулуллоҳ сизга ўхшагим келди. 

“Саййид Муҳйиддин махдум” ўрта махсус ислом билим юрти 3-курс талабаси Фазлиддин Бурхонов.