РАМЛА (РОЗИЯЛЛОҲУ АНҲО)
У – Пайғамбаримиз Муҳаммад (соллаллоҳу алайҳи ва саллам) нинг завжаи мутаҳҳараларидан бири. Тўлиқ исмлари Умму Ҳабиба Рамла бинти Абу Суфён Сарх ибн Ҳарб ибн Умайя ибн Абд Шамс. Рамла Қурайш қабиласининг бошлиқларидан бири Абу Суфён ибн Ҳарбнинг қизларидир.
Ислом динини қабул қилгунига қадар бутпарастликка, кейин умр йўлдошига эргашиб насронийликка эътиқод қилганлар. Ислом динини қабул қилгач, улар қурайшликлардан қочиб Эфиопия (Ҳабашистон) га кетишган. У ерда Убайдулло муртад бўлиб, яна масиҳийлик динига ўтиб олди. Убайдулло қанчалик Рамлани масиҳийлик динига даъват қилишига қарамасдан Рамла Ислом динини маҳкам ушлади ва турмуш ўртоғи билан ажрашди. Шундан сўнг у Маккага қайтиб бора олмади, чунки унинг отаси Абу Суфён мусулмонларнинг ашаддий душмани эди.
Пайғамбаримиз Муҳаммад (с.а.в.) ушбу хабарни эшитиб, бу аёлнинг эътиқодига тасаннолар айтдилар ва Рамла онамизни никоҳларига олиш учун Эфиопия подшоси Нажоший ҳузурига ўзларининг вакилларини совчи қилиб юбордилар. Ҳижрий сананинг 7 йили 628 йилгача улар турмуш қуришди. Бу никоҳ сабаб Маккадаги бутпараст Абу Суфён ва Пайғамбаримиз ораларидаги кескин муносабат нисбатан юмшади. Художўй ва ҳақгўй Рамла акаси Муавийнинг ҳукмронлиги даврида 70 ёшларида 665 йилда вафот этганлар. Улар 65 тадан ортиқ ҳадис ровийси ҳисобланадилар.
