Китобхон меҳрини қозониш
5.9.2015 3708

Ўз халқи танимаган, ўз халқи севмаган ёзувчини жаҳон китобхони севишига ишонмайман.

 

* * * * *

 

Оддий китобхон ақалли иккитагина шеърини шавқ билан ёддан ўқиб юрадиган шоир – ҳақиқий шоир. Оддий китобхон ақалли иккитагина қаҳрамонининг қисматидан ларзага тушиб, узоқ йиллар эслаб юрадиган ёзувчи – ҳақиқий ёзувчи.

 

* * * * *

 

Иккита энг холис ҳакам – китобхон ва вақт синовидан ўтган асар ҳақиқий асардир.

 

* * * * *

 

Кўпчилик қалам аҳлининг битта ожизлиги бор: ҳаммаси – “биринчи”! Ҳолбуки, ким “биринчи”, ким “юзинчи”, ким умуман “ҳеч нечанчи эмас” – китобхон билан вақт ҳал қилади.

 

* * * * *

 

Чинакам ижодкор бўлиш учун одамда истеъдод, билим, меҳнат, изланиш ва албатта виждон бўлиши керак.

 

* * * * *

 

Асарнинг ҳақиқий эгаси ёзувчи эмас. Асарнинг ҳақиқий эгаси – ўқувчи! Китобхони йўқ асар эгаси ташлаб кетилган ҳовлига ўхшайди.

 

* * * * *

 

Яхши фарзанд ота умрини давом эттиргани каби яхши асар ёзувчи умрини давом эттиради.

 

* * * * *

 

Бир марта кўришга арзийдиган кино, бир марта томоша қилишга арзийдиган спектакль, бир марта эшитишга арзийдиган қўшиқ, бир марта ўқишга арзийдиган китоб, бир марта ишлатиладиган шприцга ўхшайди. Албатта, буларнинг ҳам ўз ўрни бор. Фақат... шприц одамни даволаса, бундай асарлар одамни майиб қилади. Ўзини эмас-ку, дидини...

 

* * * * *

 

Дунёда сенга чин дилдан ихлос қўйган, асарингни бағрига босиб ўқийдиган битта китобхон бўлса, шу биргина китобхон учун ижод қилсанг арзийди!

 

* * * * *

 

Китобхон меҳрини ялиниб ҳам, буюриб ҳам, сотиб олиб ҳам бўлмайди! Худо китобхон меҳридан бегона қилмасин!

 

 

Ўткир Ҳошимов ижодидан тайёрланди

Кун ояти

(Эй Муҳаммад,) ўз жонларига зулм қилган бандаларимга айтинг: Аллоҳнинг раҳматидан ноумид бўлмангиз! Албатта, Аллоҳ барча гуноҳларни мағфират қилур. …

Китоблар
Энг кўп ўқилган мақолалар
Истихора дуоси

Истихора сўзи луғатда яхшилик сўраш маъносини билдиради. Шаръий истилоҳда, банданинг намоз ўқиш ёки дуо қилиш билан Ал…

8.112015 93084
  • Саййидул-истиғфор дуосини ўрганамиз

    Аллоҳумма анта Роббий ла илаҳа илла анта холақтаний ва ана ъабдука ва ана ъала аҳдика ва ваъдика мастатоъту. Аъузу бика…

    17.12017 41148
  • Аллоҳ лаънатлаган пардоз

    Аллоҳ таоло Ўзи яратган барча жонзотлар ичида инсонни энг гўзал суратда яратганини таъкидлаб, Қуръони каримда шундай ха…

    19.32017 29861
  • Қайнона ва келин муносабатлари

    Бошқа миллат вакилларининг кўпчилиги биз ўзбекларнинг оилавий ҳаётимизга, яъни, қариндош уруғларнинг бир-бирларига бўл…

    6.82015 29197
Энг кўп ўқилган савол-жавоблар
“Никоҳимиз бекор бўлмаганми?” 07.05.2018

Ассалому алайкум, ҳурматли устозлар. Сизларга саволим шуки, аёлим билан қарийб икки йилдан буён алоқаларим яхши эмас. Жинсий яқинлигимиз ҳам йўқ. Ҳозирги кунда аёлим менга ҳалолми ёки номаҳрамми? Унга яқинлашишим жоизми ёки қайтадан никоҳлаб олайми? Жавобингиз учун олдиндан раҳмат!

15572