Qanday yo‘l tutish kerak? 04.03.2017
Savol:Assalomu alekum. Men sizlarni maqolalaringizni muntazam o‘qib boraman. Ko‘p yechilmagan masalalarga olimlarimiz tomonidan din peshvolari tomonidan berilgan eng to‘g‘ri javoblarni berib insonlarga to‘g‘ri yo‘l ko‘rsatasizlar. Meni bir savol qiynab kelmoqda. Bir tanishim ota - onasidan pinhona sevgan qizi bilan shariy nikohdan o‘tib yashab yurishgan edi. Va farzandlik bo‘lishdi. Ular juda baxtli. Lekin bolani opalari bundan xabar topishdi va bolaga yo onamizni yoki xotinigni tanlaysan deyishmoqda. Chunki bu qizni to‘y qilib, olib bermaganmiz deb shart qo‘yishdi. Yigit shu sharoitda qanday yo‘l tutsa eng to‘g‘ri yo‘l bo‘ladi. Iltimos yordam beringlar!
Bo`lim7680
Va alaykum assalom. Bu yerda xato ota-onasiga aytmasdan “sevgan” qiziga uylanib olishdan boshlangan. Agar to‘ydan oldin ularning roziliklarini olib, bamaslahat ish qilinganida bunday bo‘lmasdi...
Orada farzand bor. Bu yoqda opalar pinhona to‘ydan xabar topishgan. Xo‘sh, nima qilish kerak? Yigit bu yerda tadbirkorlik qilib, aql-idrokini ishga solib, to‘g‘ri qaror qabul qilishi kerak. Chunki u ota-onasidan, yaqinlaridan ham, jufti halolidan, farzandidan ham voz kecha olmaydi. Shunday yo‘l tutsinki, hammalari o‘zaro rozilikda hayot kechirishsin, uzr-ma’zur so‘rash kerak bo‘lsa, so‘ralsin, xushmuomalalik bilan ora isloh qilinsin, deb maslahat beraman.