Shaytonga mag‘firat so‘rasa bo‘ladimi? 11.04.2017
Savol:
Nega biz yaratgan egamdan hamma narsa so‘raymizu hol-ahvol so‘ramaymiz yoki Shaytoni layinni kechirib, to‘g‘ri yo‘lga solishini so‘ramaymiz.
10757
Bismillah, valhamdulillah. Chunki, Qodir Alloh hol-ahvol so‘rashimizga muhtoj emas. Alloh – Buyuk Zot. Hech narsadan ojiz qolmaydi. U Azaliy va Abadiydir.
Shayton masalasiga kelsak, bu bizning ishimiz emas. Shayton Allohning amriga bo‘ysunmadi, Odam alayhissalomga sajda qilmadi. Shuning uchun Yaratganning qahriga uchradi. Biz – Odam bolalari esa, dunyo imtihonidan yaxshi o‘tib olib, Alloh roziligini topsak, marra bizniki. Shayton foydasiga duo qilish bizning zimmamizga yuklatilmagan. Aksincha, uning vasvasasidan panoh tilashga buyurilganmiz.
Bundan tashqari Shayton Allohga osiylik qilib bo‘ysinmadi va kofir bo‘ldi. Dinimizda esa kofirning haqqiga istig‘for so‘rash joiz emas.