Қозонда ҳалқаро исломий бизнес мактаби очилди
Қозонда исломий бизнес, молия ва ҳуқуқ бўйича халқаро мактаб (ISIBEL) ўз фаолиятини бошлади. Мактаб асосчилари Росмия мусулмон-тадбиркорлари Ассоциацияси, Қозон федерал университети ва Россия Ислом университети ҳисобланади.
Мактаб битирувчилари уч давлат дипломига эга бўладилар: Қозон Федерал Университети (Россия), Dubai Islamic Economy Development Centre (БАА) ва Bahrain Institute of Banking & Finance (Бахрайн). Лойиҳа Татаристон Республикасининг инвестицион ривожланиш агентлиги ҳамкорлигида “Россия: Ислом дунёси – KazanSummit” молиявий саммити доирасида ташкил этилган.
ISIBEL ўқув дастури уч босқичдан иборат бўлиб, улар:
Бизнес-лекторийлар, “Исломий молия ва ҳуқуқ” ўқув сессияси, ислом уламоларининг молиявий саводхонлик мактаблари.
Мактабнинг биринчи ўқувчилари тадбиркорлар, олимлар ва талабалардан иборат 100 кишилик гуруҳ бўлди. Мактаб ўқитувчилари сифатида Исломий ҳамкорлик ташкилотига аъзо давлатлардан исломий молия ва ҳуқуқ соҳасидаги кўзга кўринган намояндалар ва экспертлар таклиф қилинганлар.
