Муфтий ҳазратлари Москвада муҳташам масжид лойиҳаси билан танишди
5.11.2018 3902
Куни кеча, 4 ноябрь куни Ўзбекистон мусулмонлари идораси раиси, муфтий Усмонхон Алимов ҳазратлари Испанияга жўнаб кетган эди. Сафар давомида Москва шаҳрида тўхтаб, Москва муфтийси Альбир Крганов билан учрашди. Учрашув чоғида икки мамлакат мусулмонлари ҳаёти, уларга берилаётган имкониятлар, ўзаро икки томонлама муносабатларни янада кучайтириш, таълим соҳасидаги келишувларни юқори босқичга кўтариш масалалари муҳокама қилинди. Суҳбат асносида муфтий Усмонхон Алимов ҳазратлари Москва шаҳрида бунёд этилиши режалаштирилган улкан масжид лойиҳаси билан танишдилар.
Ўзбекистон мусулмонлари идораси Матбуот хизмати
