106 ёшли саудиялик қариянинг ўлим олдидан айтган сўзлари кишиларнинг кўз ёшларига сабаб бўлди
106 ёшли саудиялик отахоннинг ўлимидан олдин айтган сўзлари унинг ватандошларини ҳайратга солди.
Бундан 6 йил аввал ўзининг бир асрлик таваллудини нишонлаган Шайх Али ал Салоҳ ҳали бақувват ва тетик эди. Унинг вафотига қарилик эмас, йўл-транспорт автоҳалокати сабаб бўлди.
Автоҳалокатга учраган қарияни касалхонага олиб кетиш чоғида, ўлими яқинлашганини сезган отахон атрофидаги шифокорлар ва ҳайдовчига уни уриб юборган машина эгасини кечиришларини тайинлаб васият қилган. Унинг сўнгги васиятини эшитган яқинлари бундан қаттиқ ҳайратга тушиб, кўз ёшлар тўкишди.
“Отам ёшлик чоғиданоқ муҳтож ва заифларга ёрдам беришни одат қилган эди. Умрининг 80 йили давомида отам ўз уйида йўловчилар учун текин ошхона очган эди. У барча йўловчи ва меҳмонларни ўз ошхонасида бепул меҳмон қилар эди”, дейди марҳумнинг ўғли.
Ўзининг саҳийлиги ва олийжаноблиги билан ном қолдирган шайх Али ал Салоҳ ўзидан сўнг 13 ўғил ва 5 қиз фарзандни қолдирди.