ИЙДИ РАМАЗОН ҲАЙИТИ МУБОРАК!
Аллоҳ таолонинг марҳамати билан ойлар султони Моҳи Рамазоннинг улуғ кунларига белгиланган бурч ҳамда вазифаларни баҳоли қудрат адо этдик. Шу кунларга етказгани учун ўзига беҳад шукрлар, ҳамду санолар бўлсин! Қилган ибодатларимиз, тутган рўзаларимиз Яратганнинг даргоҳида қабул бўлишига, барчамизга мукаррам ойнинг саодатидан улушлар ёзилишига умидларимиз юксак.
Бугунги фаровон, файзли, қут-барокотлик юртда яшаб, Ватаннинг юксалиши йўлида ҳалол меҳнат қилаётган, мўминлик бурчларини чин юракдан адо этаётган солиҳ ва солиҳа Ватандошларимизга Ийди Рамазон ҳайити муборак бўлсин!
Яратган шу муқаддас юртимизнинг тинчлиги, осмонимиз мусаффолигини барқарор қилсин! Қалбингизда неки, пок тилаклар бўлса, барчасиз ижобат топсин! Тўкин-сочинлик ва фаровонлик мудом барқарор бўлсин!
Одилхон қори Юнусхон ўғли
Тошкент шаҳар Шайхонтоҳур туман бош - имом хатиби