"Ҳазрати Имом" жоме масжидида мавлиди шариф ўқилди
4.12.2016 4130
Юртимизга Рабиъул аввал ойи ҳам кириб келди. Бу ҳақда muslim.uz сайти хабар бермоқда. Ушбу ойда Пайғамбаримиз Муҳаммад (соллаллоҳу алайҳи васаллам)нинг сийратларини ўрганиш, хайрли тадбирлар амалга ошириш анъанага айланган. Худди шундай тадбирлардан бири бугун, Рабиъул аввалнинг 3 куни, 02 декабрь санасида пойтахтимизнинг "Ҳазрати Имом" жоме масжидида мавлиди шариф тадбири бўлиб ўтди. Унда Ўзбекистон мусулмонлари идораси раиси, муфтий Усмонхон Алимов ҳамда бошқа уламолар қатнашишди. Пайғамбаримиз Муҳаммад (соллаллоҳу алайҳи васаллам)га салавотлар айтиб, мавлид сўнгида халқимиз фаровонлиги, юртимиз равнақини сўраб кўплаб дуолар қилинди.
