3 йиллик Махсус сиртқи бўлимга ҳужжатлар қабул қилиш бошланди

4 Okt 2017 1949

Ўзбекистон мусулмонлари идорасининг 2017 йил 29 сентябрдаги “Республикамизда фаолият юритаётган икки мингдан зиёд масжидларни олий диний маълумотга эга имом-хатиблар билан таъминлаш учун Имом Бухорий номидаги Тошкент ислом институтида 3 йиллик Махсус сиртқи бўлим ташкил этиш тўғрисида”ги 01А/092-сонли буйруғи ижросини таъминлаш мақсадида институтда 2017 йилнинг 2 октябрь куни соат 09:00 дан 2017-2018 ўқув йили учун Махсус сиртқи бўлимига ҳужжат қабул қилиш бошланди.

 

Ўзбекистон мусулмонлари идораси томонидан тасдиқланган “Махсус сиртқи бўлимга абитуриентларни қабул қилиш тартиби тўғрисидаги буйруқ” асосида 2017-2018 ўқув йили учун Махсус сиртқи бўлимга абитуриентлардан ҳужжатларни қабул қилиш 2017 йилнинг 2 октябрдан бошлаб, жорий йилнинг 10 октябрь соат 20:00 гача давом этади.

 

Тошкент ислом институти “Қабул ҳайъати” томонидан Махсус сиртқи бўлимга ҳужжат топшириш учун келаётган абитуриентлар учун барча шароитларни яратиб беришган. Институт фаолияти ҳақида маълумот берувчи баннер билан бирга эълонлар доскасида ҳужжатларни қабул қилиш тартиби тўғрисидаги Низом, Йўриқнома ва Қабул қоидалари билан таништирувчи маълумотномалар ўрнатилган. Абитуриентлардан ҳужжатларни қабул қилиш жараёнлари давом этмоқда.

 

Масъул котиб К.Маҳкамов

Muslim.uz