Одилхон қори ва бошқа имомларимиз Ганина Ямада бўлишди

28 Noy 2016 862

    Аввал хабар берганимиздек, айни кунларда ўзбекистонлик имомлар гуруҳи Россия Федерациясида шаҳрида сафарда бўлиб турибди. Уламолар сафар доирасида белгиланган кўплаб тадбир ва учрашувларда қатнашмоқда. 
    27 ноябрь куни имом-хатибларимиз Екатеренбург шаҳридаги проваслав черковини зиёрат килишди ва у ердаги шароитлар билан ташишишди. Шунингдек, Ганина Ямадаги черковларга, Европа ва Осиё чегарасидаги Иккинчи Жаҳон Урушида вафот этганлар учун барпо этилган ёдгорлик монументига ташрифлар уюштирилди. Маълумот ўрнида айтиш керакки, мазкур қабристонга урушда қатнашиб, қаҳрамонларча ҳалок бўлган 15 нафар ватандошимиз ҳам дафн этилган. Қабристонда марҳумлар ҳаққига Қуръон тиловат қилинди. 
    “Мазкур тадбирлар динлараро бағрикенглик, ўзаро ҳурмат ва дўстлик алоқаларининг ривоживда катта аҳамиятга эгадир. Биз сафар мобайнида Россия федерациясида одамларнинг диний ибодатларни эмин-эркин адо этишлари учун яратилган шарт-шароитлар билан яқиндан танишаяпмиз, ўзаро мулоқотлар олиб бораяпмиз. Умид қиламизк, бу мулоқот ва фикрлашувлар икки халқ ўртасидаги алоқаларни яна мустаҳкамлашга хизмати қилади”, дейди “Шайх Зайниддин” жоме масжиди имом-хатиби Одилхон Исмоилов.

 

Шайх Зайниддин жомк масжиди матбуот хизмати