Одилхон Исмоилов Екатеринбургдаги Сабр масжидида жума намозини адо этди
Жорий йилнинг 24 ноябрь куни Ўзбекистонлик имомлар гуруҳи Россиянинг Екатеринбург шаҳрига жўнаб кетишгани ҳақида хабар берган эдик. Имомлар гуруҳи мазкур ташриф доирасидаги белгиланган тадбир ва учрашувларда иштирок этишмоқда.
Жумладан, Тошкент шаҳар Шайхонтоҳур тумани бош имом-хатиби, “Шайх Зайниддин” жоме масжиди имом-хатиби Одилхон Исмоилов Первый Уралдаги Сабр жоме масжидида жума намозини адо этди. Намоз аввалида имом-хатиб мавъиза қилди.
Муборак Жума намозидан сўнг мазкур масжидда намозхонлар билан суҳбат ташкил этилди. Хусусан, соф Ислом дини таълимоти, дин ниқоби остидаги бузғунчи кимсаларнинг фаолияти, юртимизда мусулмонлар учун яратилаётган шарт - шароитлар ва эътибор, интернет тармоғидан фойдаланишда мўмин - мусулмонларнинг одоби каби мавзуларда батафсил фикр алмашилди.
Унда қатнашчиларни қизиқтирган саволларга Одилхон Исмоилов атрофлича жавоб қайтарди. Имомларимиз сафари давом этмоқда.
Шайх Зайниддин жоме масжиди мутбуот хизмати