Хушхабар: Muxlis.uz сайти "Сарҳисоб" танлови ғолиби бўлди
27.12.2016 2761

   Бугун Ўзбекистон мусулмонлари идораси мажлислар залида Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Ўзбекистон мусулмонлари идораси, Тошкент ислом университети, Матбуот ва ахборот агентлиги, Ўзбекистон Миллий телерадиокомпанияси ҳамкорлигида ташкил этилган "Сарҳисоб" танлови ғолибларини тақдирлаш маросими ўтказилди. Унда мамлакатимизда фаолият олиб бораётган оммавий ахборот воситалари орқали диний-маърифий мавзуларни ёритишда фаоллик кўрсатган бир гуруҳ ижодкорлар тақдирланди.
   Қувонарлиси шундаки, ғолиблар қаторида Одилхон Исмоилов бошчилигидаги Шайх Зайниддин жоме масжидининг Muxlis.uz сайти ҳам бор. Сайтимиз “Интернет йўналишидаги энг яхши сайт” йўналишида биринчи ўринга лойиқ, деб топилди.
    Маълумотларга кўра, бу йилги "Сарҳисоб" танловига 1100 дан ортиқ ижодий ишлар тақдим этилган ва йилдан-йилга мазкур танловнинг нуфузи, қатнашчилар сони ҳам ошиб бормоқда.
   Тақдирлаш маросимида телевидение, радио, матбуот ва Интернет йўналишларида энг яхши деб топилган ижодий ишларнинг муаллифлари ҳамда фаол тарғиботчилар махсус диплом ва ташкилотчиларнинг қимматбаҳо совғалари билан тақдирланди.

 

Номинациялар бўйича танлов ғолиблари:

 

Интернет йўналишида 1-ўрин эгаси Тошкент шаҳридаги Шайх Зайниддин жомеъ масжиди имом хатиби, www.muxlis.uz сайти муҳаррири Одилхон Исмоилов;

 

Матбуот йўналишида 1-ўрин соҳиби Тошкент Ислом университети проректори Иброҳим Усонов;

 

Радио йўналишида 1-ўрин эгаси «Мовароуннаҳр» нашриёти муҳаррири Илҳом Маърупов;

 

Телевидение йўналишида 1-ўрин соҳиби Қорақалпоғистон мусулмонлари қозиёти раиси, Қорақалпоғистон қозиси Шамсиддин Бауддинов.

 

Йилнинг энг фаол тарғиботчиси номинациясида 1-ўринга Тошкент шаҳар Новза жомеъ масжиди имом хатиби Жалолиддин Ҳамроқулов сазовор бўлди. "Тинчлик ва осойишталикни қадрлаш мавзусидаги энг яхши ижодий иш" йўналишида алоҳида бош мукофот "Ўзбекистон" телеканали "Ҳидоят" сари таҳририятига топширилди.

     Мукофотланган барча ижодкорларни сайт жамоаси чин дилан табриклайди!


Шайх Зайниддин жоме масжиди матбуот хизмати

Кун ҳикмати

Келинига зулм қилаётган қайноналар "Ҳаргиз Аллоҳ золимлар қилаётган амаллардан ғофил, деб ҳисоблама!" (Иброҳим сураси: 42) оятини ёдига келтирсин ва …

Китоблар
Энг кўп ўқилган мақолалар
Истихора дуоси

Истихора сўзи луғатда яхшилик сўраш маъносини билдиради. Шаръий истилоҳда, банданинг намоз ўқиш ёки дуо қилиш билан Ал…

8.112015 42662
Энг кўп ўқилган савол-жавоблар
“Никоҳимиз бекор бўлмаганми?” 07.05.2018

Ассалому алайкум, ҳурматли устозлар. Сизларга саволим шуки, аёлим билан қарийб икки йилдан буён алоқаларим яхши эмас. Жинсий яқинлигимиз ҳам йўқ. Ҳозирги кунда аёлим менга ҳалолми ёки номаҳрамми? Унга яқинлашишим жоизми ёки қайтадан никоҳлаб олайми? Жавобингиз учун олдиндан раҳмат!

2637