Жерар Депардье тез-тез Қуръон ўқиб туради

   Францияда таниқли актёр Жерар Депардьенинг мемуар асари чоп этилди. Китоб Le Cherche Midi нашриётида босмадан чиқди, деб хабар беради «Ансар» ахборот агентлиги. Китобда 68 ёшли муаллиф ўзининг босиб ўтган йўли, яхши ёмон кунлари ҳақида ҳикоя қилади. Мазкур асарга француз танқидчилари ўз муносабатларини билдиришга ҳам улгуришди. Уларнинг аксари Жерар Депардьенинг ҳаёти зулмат ва қайғуга тўла эканини таъкидлашган. 

Айтиш керакки, актёр ўз асарида муқаддас калом – Қуръони карим ҳақида ҳам ўз мулоҳазаларини баён қилган. Депардьенинг сўзларига кўра, у Қуръонни тез-тез мутолаа қилиб туради. Айниқса, унинг қалби диний илмларга муҳтожлик сезганида, доимий равишда Қуръонга мурожаат қилишни одат қилган.

   Шунингдек, фуқароликни алиштириш ва Франция ҳақида ёзар экан, бунга асосий сабаб “французлардан-да кўпроқ эркин бўлишга кучли иштиёқ”, деб ёзади.