Туркиядаги қочоқлар учун очилган шифоҳонада илк роҳинжалик чақалоқ дунёга келди
Банглдешнинг жануби-шарқидаги роҳинжалик қочоқлар учун ташкил қилинган турк шифохонасида илк роҳинжалик чақалоқ дунёга келди. Бу ҳақида Туркиянинг Даккадаги элчихонаси саҳифасида хабар қилинган. Хабарда янги туғилган чақалоқнинг шифокор ва ҳамширалар қуршовида тушган сурати эълон қилинган. Маълум бўлишича чақалоққа Муҳаммад Алпэрен деб исм қўйилган.
Мазкур шифохона Туркия Соғлиқни сақлаш Вазрилиги ҳамда Туркиянинг Фавқулодда Вазиятлар Вазирлиги томонидан ташкил қилинган ва назорат қилиниб келмоқда.
Анадолу агентлигига берган интервьюсида шифохонанинг бош шифокори Жамолиддин Муҳаммад шундай дейди:
“Шифохона ташкил қилинишидан аввал мазкур қочоқлар лагерида аҳвол жуда танг эди. Лагердаги кўплаб хомиладор аёллар тиббий ёрдамга муҳтож бўлиб, кўпчилиги турли хасталик ва витаминлар етишмовчилигидан азият чекарди.
Лагердаги касалхона январ ойидан иш фаолиятини бошлаган бўлса, ҳозирга қадар бу ердаги аҳолининг умумий аҳволи анча яхшиланди”.
