Швейцария Ливанда яшовчи 2 минг суриялик қочоқни қабул қилади
Швейцария ҳукумати айни дамда Ливанда истиқомат қилаётган икки минг нафар мусулмонни мамлакатга қабул қилишни режалаштирмоқда. Бу ҳақида Миграция бўйича давлат котиби Марио Гаттикер маълум қилди.
Унинг сўзларига кўра, қочоқлар яқин икки йилда босқичма-босқич мамлакатга олиб келинади. Гаттикер бу қадамни “рамзий” дея баҳолади. Бундан мақсад катта миқдордаги қочоқлар оқими боис иқтисодий инқирозни бошдан кечираётган Ливан ҳукуматига ёрдам кўрсатишдир.
Мансабдор, шунингдек, Швейцария ҳукуматининг суриялик қочоқларга ёрдам бериш йўналишида узоқ муддатли лойиҳаларни қўллаб-қуватлашини ҳам баён қилди.