Саудиялик олимлар саратонни олтин билан даволашни таклиф этишмоқда
Онкологик касалликларни тилла ёрдамида даволаш мумкин. Бу кутилмаган фикр саудиялик таниқли олим Саид Ал-Жарудий томонидан билдирилди. У бир неча йиллардан бери бедаво дардни даволашни қимматбаҳо металлдан фойдаланиш борасида тадқиқотлар олиб бормоқда.
Al Arabiya`га берган интервьюсида олим бундай даво усулининг келажаги бор, деб таъкидлаган.
“Оғир ҳасталикларни олтин билан даволаш борасида олиб борилаётган изланишларга 20 йилдан зиёд вақт бўлди. Биз саратон билан зарарланган каламушларда тажриба ўтказдик. Натижа ўта ҳайратланарли. Олтин компонентлари амалда заҳарли ва зарарли эффект бермади. Саратон тўқималари олтинга қаршилик қилиш қобилиятига эга эмаслиги маълум бўлди”-, дейди саудиялик олим.
Унинг сўзларига кўра, олтин билан боғлиқ лаборатория тадқиқотларининг биринчи босқичини якунлади. Кейингисига яна 10-15 йил вақт кетиши мумкин.