Саудия Арабистонида ҳаж давомида 70 нафар мисрлик ҳалок бўлгани маълум қилинди
Саудия Арабистонида ҳаж давомида камида 70 нафар мисрлик ҳалок бўлди. Бу ҳақда 26 сентябрда Миср ҳукумати маълум қилди. Вақф ишлари бўйича вазирликнинг маълумотларига кўра, 37 нафар мисрлик Мино водийсида юз берган тиқилинчда ҳалок бўлган. Яна 33 нафар мисрлик табиий сабабларга кўра, асосан ўткир юрак етишмовчилигидан вафот этган, деб маълум қилди Миср Соғлиқни сақлаш вазирлиги.
26 сентябрда Саудия Арабистони ҳукумати тиқилинчда ҳалок бўлганлар сони бўйича янги маълумотларни келтирди. Маккада бўлиб ўтган матбуот-анжуманида мамлакат соғлиқни сақлаш вазири Ҳолид ал-Фалоҳ ҳалок бўлганлар сони 769 кишига етганини, 934 киши жароҳат олганини маълум қилди.