Қуръонга ҳурматсизлик қилган даниялик жазоланди
Данияда сўнги 45 йил давомида биринчи марта “Динни таҳқирлаш” моддаси бўйича жиноий иш кўриб чиқилди. Мамлакатнинг 42 ёшли фуқаросига 2015 йилда ўз уйининг боғида Қуръони каримни ёқиб, уни видеотасвирга олиб, Facebook`даги саҳифасига жойлагани учун жиноий иш қўзғатилди.
Дания Жиноят кодексига кўра, динни таҳқирлаш жинояти учун 4 ойгача қамоқ жазоси тайинланади. Ҳатто унгача йирик миқдордаги жарима ҳам тўланади. Дания Бош прокурорининг таъкидлашича, бу сўнгги саксон йил ичидаги динни таҳқирлаш моддаси бўйича кўрилган 4-жиноят ишидир.
Энг охирги шу каби жиноий иш сўнгги бор 1971 йилда кўриб чиқилган. Ўшанда давлат радиостанцияси раҳбарияти эфир чоғида аёл ҳақидаги қўшиқда Худони ҳақоратловчи сўзлар кетгани учун жавобгарликкка тортилганди.
Islam-today