Қозонда рекорд ҳажмдаги Қуръон қайта таъмирланди
Қозонда рекорд даражадаги катталикдаги 2011-йилда Италияда яратилган Қуръони Каримнинг босма нусхаси қайта таъмирдан чиқарилди.
Islam-today сайтининг хабар беришича, барча таъмирлаш ишлари Ҳалқаро алоқалар институтида амалга оширилган.
Маълум бўлишича, мазкур тарихий экспонатни яратишда италиялик экспертлар бир қатор хатоликларга йўл қўйганлар.
“Қуръон нусхасини яратишда мутахассислар китобнинг катталигига эътибор беришмаган, китоб муқоваси ҳамда саҳифаларини шунга муносиб тарзда яратишмаганлиги сабабли, китоб варақлангани сайин саҳифалар титилиб, муқова йиритилишни бошлаган.
Қоғозлар блоки жуда заиф тикилгани, жилдининг ўта нафислиги сабаб улкан ҳажмдаги китобни варақлаш имконсиз бўлиб қолган. Китобдаги оятлар битилган босма бўёқлар яхши қуритилмагани боис кўплаб саҳифалар ёпишиб қолган”, дейди олий даражадаги реставратор – рассом, Татаристон тарихи кафедраси профессори Светлана Буршнева.
Эслатиб ўтамиз, ҳажми 150 га 200 см бўлган Қуръон китобининг оғирлиги 800 кг бўлиб, у 632 саҳифадан иборат. 2011-йилда мазкур нусха гиннеснинг рекордлар китобига киритилган эди. Мазкур китоб Булғурда сақланади.
