Қозоғистонлик илк зиёратчилар гуруҳи Мадинага жўнаб кетди
Қозоғистонлик 3000 нафар зиратчидан 300 таси бугун Олма ота шаҳридан Саудия Арабистонига учиб кетишди, дея хабар бермоқда Кавказ мусулмонлари диний бошқармаси.
Биринчи гуруҳ зиёратчилар асосан Олма ота, Остона, Чимкент, ва Оқтов шаҳарларидан бўлишди. Зиёратчиларга имомлар томонидан ҳаж сафарига оид йўриқномалар тушунтириб ўтилди ва сафар борасида ўқув курслари ўтиб берилди. Қозоғистонлик ҳожиларга сафар давомида шифокорлар ва диний раҳнамолар ҳамроҳлик қилишади.
Қозоғистон Саудия Арабистони томонидан ажратилган 3000 ўринлик квотани тўлиқ банд қилган ва ушбу сафарни амалга оширишда мамлакат ҳожиларига 18 та сайёҳлик ташкилоти ёрдам беради.