Поль Погба Умра зиёратида
26.5.2018 2264
Франция футбол терма жамоаси ва Манчестер Юнайтед футбол клуби ярим ҳимоячиси Поль Погба Умра зиёратини адо этди. Рамазон ойидаги зиёрати ҳақида спортчи ижтимоий тармоқлардаги саҳифаси орқали маълум қилган.
“Бу ер – жуда гўзал. Бу туйғу... буни сўз билан таърифлашга тил ожиз... Бу ерда бўлган одамгина буни ҳис қилиши мумкин”, дея спортчи Инстаграмдаги видеосига изоҳ қолдирган.
Таъкидлаш жоиз, ушбу зиёрат спортчи учун илк зиёрат эмас. 2016–2017 йилги Умра мавсумида спортчи жамоасининг навбатдаги ғалабасини муқаддас Каъба зиёрати билан нишонлаган эди.
