Покистонда Валентин кунини нишонлаш тақиқланди

Покистонлик дин уламолари мамлакатда ғарб байрами оммалашаётганидан ҳавотир билдирди. Шу боис, Покистон ҳукумати “Севишганлар куни” деб юритиладиган Валентин кунини нишонлашни тақиқлаб қўйди.

Al Jazeera хабарига кўра, оммавий ахборот воситаларида ҳам байрам ҳақидаги маълумотларни эълон қилиш ман этилди. Айтиш керакки, Авлиё Валентин кунини нишонлаш сўнгги йилларда покистонлик ёшлар орасида оммалашиб, ғарбга тақлидни кучайтириб бораётган эди. Айнан шу жиҳат мусулмон уламоларни қаттиқ ташвишга солди.   

Шу боис, фаол Абдул Воҳид бу байрамнинг жамоатчилик онгига салбий таъсир қилаётгани ва ахлоқсизлик тарғиботига ҳисса қўшаётгани ҳақида Олий судга мурожаат қилди. Мурожаат қаноатлантирилиб, ушбу ғарбона маросимни Покистон ҳудудида нишонлашни тақиқлаш ҳақида қарор қабул қилди!