Пермьда “Мусулмон дунёси” 8-минтақалараро форуми иш бошлади
Шу йилнинг 5 апрел куни Пермь шаҳрида 8-минтақалараро мусулмонлар форуми иш бошлади. “Мусулмон дунёси” номли ушбу форум мамлакатдаги динлараро бағрикенгликни мустаҳкамлаш ва ислом динига эътиқод қилувчи ҳалқларнинг маданиятни намойиш этишга ёрдам беради.
Тадбирда Пермь вилояти губернатори Максим Решетников, Россия Бош муфтийси Талгат Тажуддин, Россия мусулмонлари диний идораси раиси, маҳаллий мусулмон ташкилотлар ва жамиятлар раҳбарлари, шунингдек, тарих, этнография, диншунослик соҳалари мутахассисилари иштирок этишди.
Тадбир ташкилотчиларининг маълум қилишларича, форумнинг энг асосий воқеаси “Россияда Ислом дини: анъаналари ва замонавий тажриба” амалий конференцияси бўлади.
Форум меҳмонлари ислом тарихига оид нодир экспонатлар намойиш қилинган кўргазмани томоша қилишлари, ҳалол маҳсулотлар ва ҳизматлар ярмаркасида бўлишлари, исломий китоблар дўконларидан фойдаланишлари мумкин бўлади.
Тадбирнинг якуний нуқтаси 6-минтақалараро Қуръон мусобақаси бўлади.
