Пайғамбаримизни мазаҳ қилгани учун ҳиндистонлик фуқаро жазога ҳукм қилинди
Бирлашган Араб Амирликларида истиқомат қилувчи ҳиндистонлик фуқаро Facebook`даги саҳифасида пайғамбаримиз Муҳаммад (с.а.в)нинг карикатураларини эълон қилгани учун 3 ойга ҳибсга олинди.
«GulfNews» Британия манбасининг маълумотига кўра, полицияга бу ҳақда унинг ҳамкасби хабар берган. У полиция ҳизматига унинг саҳифасидан скриншотларни жўнатган.
Ҳиндистонлик иш жойида қўлга олинди ва суд ҳукмига топширилди. Ислом динини мазах қилгани учун суд унга 1500 АҚШ доллари миқдорида жарима солди. Лекин, суд ҳукмидан норози бўлган айбланувчи, у эълон қилган суратлар карикатура эканини билмаганини айтиб ишни қайта кўриб чиқишга топширди.
Аммо, суд айбланувчининг арзини ноўрин деб топди ва жазони янада кучайтириб уни яна 3 ойлик қамоқ жазосига ҳукм қилди. Ҳибсдан озод бўлгач эса у ўз ватанига қайтариб юборилиши белгиланди.