Озарбайжонда масжидларнинг web-харитаси тузилди
Озарбайжонда масжидларнинг web-харитаси тузилди, деб хабар беради АПА ахборот агентлиги. Бу лойиҳа буюртмачиси Кавказ мусулмонлари идорасидир.
Мазкур хаританинг маълумотлар базасида Мусулмонлар диний идорасида расман рўйҳатдан ўтган масжидларнинг аниқ манзиллари жой олган. Интерактив харитани очиш учун Кавказ мусулмонлари идораси расмий сайти(Qafqazislam.com)даги “Масжидлар” бўлимига кириш керак. Бўлимда мавжуд масжидларга оид аниқ маълумотлар, жумладан, жамоат транспортларининг иншоотга яқин бекатлари ва маршрут рақамлари ҳам киритилган.