Олимпиада иштирокчилари учун динлараро марказ фаолият юритади
Халқаро олимпия қўмитаси турли динга эътиқод қилувчи спортчиларнинг ибодат амалларини бажаришлари учун керакли шароитни яратиш мақсадида Динлараро марказда алоҳида хоналар ташкил этади ва барча керакли жиҳозлар билан таъминлайди. Бундай имконият йирик жаҳон динлари—ислом, христианлик, индуизм, буддизм ва иудаизм—га эътиқод қилувчилар учун яратилади. Бу ҳақида The Huffington Post газетаси хабар бермоқда.
Хабарларга кўра, марказнинг очилиши 24 июль куни бўлиб ўтади. Марказ эрталаб соат 7.00 дан кечки 22.00 га қадар ишлайди. Олимпиада ўйинлари тугаши билан ёпилади. Диний ибодатлар учун хоналарга 50 нафаргача одам сиғади. Ислом дини вакиллари учун эса аёллар ва эркакларга алоҳида хоналар ташкил этилади.
Эслатиб ўтамиз, ёзги Олимпия ўйинлари жорий йилнинг 5-21 август кунлари Бразилиянинг Рио-де-Жанейро шаҳрида бўлиб ўтади. Унда дунёнинг 200 давлатида 10 мингдан зиёд спортчи иштирок этиши кутилмоқда.
Манба: www.islam.ru