Олимлар ҳаромдан сақланиш фойдали эканини исботлашди
Journal of Epidemiology & Community Health журналида Даниялик олимларнинг тадқиқот натижалари эълон қилинди. Ундаги олимларнинг фикрича маст қилувчи ичимликларни ичиш ва чекишдан сақланиш умрни узайтирувчи энг яхши йўл экани таъкидланган.
Тажрибалар давомида олимлар, зарарли одатлар ва организмда хусусан тери ва кўз соҳаларидаги ўзгаришлар ўртасидаги узвий боғлиқликни ўрганишди, деб ҳабар беради Лента.ру сайти.
Иш жараёнида Copenhagen City Heart Study тажриба институтида 1976-2003 йиллар давомида 20 минг эркак ва аёл ўртасида ўтказилган тажриба натижаларидан фойдаланишди.
Олимларнинг аниқлашича, кўп чекувчи ва спиртли ичимликлар истеъмол қилувчи кишиларда кўз мугуз пардасида ёғли қатламнинг тўпланиши, ксантелазма (терида ёғли тошмаларнинг пайдо бўлиши), сочнинг тез тўкилиш каби қариш аломатларининг пайдо бўлиши тезлашар экан.
