Мусулмонлар вайрон қилинган яҳудийлар қабристонини тиклашга ёрдам беришди
АҚШда истиқомат қилувчи мусулмонлар ва яҳудийлар динлараро бағрикенглик ва ҳурмат борасида яна бир бор намуна кўрсатишди. Гап шундаки, Миссури штатида яҳудийлар қабристони вайрон қилинган ва 200 га яқин қабр таҳқирланган. Мусулмолар жамияти эса бир неча соат ичида қабристонни таъмирлаш ва реставрация қилиш учун 20 минг АҚШ долларини йиғиб беришди.
Бу ташаббусни келиб чиқиши фаластинлик бўлган фаол муслима Линда Сарсур кўтарган. Унинг бу ташаббусини АҚШнинг турли бурчакларида истиқомат қилувчи мусулмонлар қўллаб-қувватлашган. Натижада 3 соат ичида Линда қўлида таъмир учун керакли маблағ йиғилган.
“Бу – вандализмнинг қўрқинчли кўриниши. Америкалик мусулмонлар бу жиноятдан жабр чекканларга ҳамдардлик билдиради”, дейилади интернетда ёзилган эълон изоҳида.
Islam-today