Маккада Каъбани ювиш маросими бўлиб ўтди
17 октябрь куни Макка шаҳрида ўзига хос муҳим тадбир—Каъбани ювиш маросими ўтказилди. Авваллари анъанага мувофиқ, бу маросим икки марта, яъни муҳаррам ва шаъбон ойида ташкил қиланар эди. Бу йил эса Саудия Арабистони ҳукумати тавофни амалга ошираётган зиёратчиларнинг хавфсизлигини таъминлаш мақсадида маросимни йилига бир маротаба ўтказишга қарор қилди.
Таъкидлаш керакки, муқаддас Каъбатуллоҳ қизил сув билан ювилади. Унга гуллар, Таиф водийсида ўстирилган махсус гиёҳлар, хушбўй ўсимликлардан олинган суюқликлар ва муқаддас оби зам-зам аралашган. Қоидага мувофиқ тадбирга Саудия подшоси ёки бошқа ишончли шахс бошчилик қилади.
Жорий йилда тадбирни қирол маслаҳатчиси, Макка минтақаси губернатори, шаҳзода Ҳолид Ал-Фейсал бошқарди. Шунингдек, маросимда мамлакатнинг атоқли сиёсий ва диний арбоблари, хорижлик ҳурматли меҳмонлар ва уламолар иштирок этди.