Мадинада Ҳаж мавсуми учун махсус эҳтиёт чоралари ишлаб чиқилди

Ҳаж мавсуми арафасида Мадина шаҳрида ҳам ўзига хос хавфсизлик чора-тадбирлари амалга оширилмоқда.

Ушбу тадбирлар Мажидун Набавий ва унинг атрофидаги ҳудудларда амалга оширилади.

Масжид хавфсизлик хизмати ходимлари масжид ҳудудида тартиб ва тинчликни муҳофаза қилиш билан бирга, зиёратчиларга керакли бўлган инсонпарварлик ёрдамларни ҳам кўрсатадилар.

Асосий эътибор зиёратчиларнинг масжид ҳудудида ҳеч қандай тўсиқ ва қийинчиликларсиз ҳаракатланишларини таъминлашга қаратилади.

Зиёратчилар жойларда тиқилинч ва тиғизликни юзага келтирмасликлари учун куну тун назорат остида бўладилар.

Масжидун Набавиянинг махсус бўлими командири Абдуроҳман ал-Мишханнинг “Ал-арабия” нашрига берган интервьюсига кўра, масжид ҳудудидаги ҳожилар туну кун узлуксиз кузатув камералари орқали назорат қилиниб турадилар. Мабодо, бирор жойда тиқилинч ёки тартибсизлик юзага келса, у ерга зудлик билан махсус гуруҳ жўнатилиб, муаммо ҳал этилади. “Биз зиёратчиларнинг қулайликлари учун қўлимиздан келганича ҳаракат қиламиз”, – дейди у.