Конкорд шаҳрида илк масжид бунёд бўлди
Американинг Конкорд шаҳри мусулмонлари энди ўз масждиларига эгалар. Шаҳарнинг мусулмон ташкилотлари ташаббуси билан шаҳарчадаги ташландиқ босмахона масжид биносига айлантирилди ва намозхонларга топширилди.
Катта Конкорд Ислом жамияти ушбу босмахона биносини ўтган йилнинг ноябр ойида олиб, у ерни масжидга айлантиришни режалаштирган эди. Лекин, қоғозбозлик ва юридик муаммолар сабаб бу иш чўзилиб кетди.
Босмахона биноси беш йилдан бери қаровсиз ётарди. Мана икки хафта аввал маҳаллий мусулмонлар бу ерни қайта таъмирладилар, ерларга гиламлар тўшаб гўзал ибодат масканига айлантирдилар.
“Биз гўёки бутун умр ижарада яшаб келганмизу, мана бугун ўз хусусий уйимизга эга бўлган одам каби бахтлимиз”, дейди Ислом жамияти раҳбари Хуберт Меск.
Эндиликда масжидга келувчилар яна 200 минг АҚШ долларини йиғиб, яқинларида жойлашган ташландиқ биноларни сотиб олиш ва у ерда намозхонлар учун автомобил тўхташ жойини ташкил қилиш билан бандлар.
