Киевда Қуръоннинг украинча таржимаси тақдимоти бўлиб ўтади
26.5.2018 2125
Украина мусулмонлари диний бошқармаси раиси шайҳ Саид Исмаилов ўзининг Фейсбукдаги расмий саҳифасида Қуръон маънолари украинча таржимасининг еттинчи нашрдан чиқарилиши ҳақида эълон қилди.
Китобнинг янги таржисами 31 май куни бўлиб ўтадиган “Книжный арсенал” ярмаркасида тақдим этилиши маълум бўлди. Шу билан бирга ярмаркада “Исломшунослик” ва бошқа тарихий ҳамда маънавий китоблар тақдим қилиниши кутилмоқда.
Ярмаркада машҳур турк ҳаттоти Шехмус Качан ҳам иштирок этади ва меҳмонларга ҳаттотлик бўйича маҳорат дарслари ўтиб беради.
