Истамбулда Пайғамбаримиз (с.а.в)га оид буюмлар кўргазмаси очилди
22.5.2018 2681
Истамбулда Пайғамбаримиз (с.а.в.)нинг табаррук ҳирқалари ва сочлари намойиш этилаётган кўргазма очилди. Муқаддас осори-атиқалар Рамазон ойининг илк жумасида Фотихдаги Ҳирқаи Шариф масжидида намойишга қўйилди. Ҳар йили минглаб меҳмонлар ушбу табаррук буюмлар кўргазмасини томоша қилиш учун Истамбулга келишади.
Пайғамбаримиз (с.а.в)г тегишли муборак ҳирқа 17-аср бошларида султон Аҳмад 1-га Ал Қароний сулоласи томонидан ҳадя қилинган эди. 1848-1851 йилларда султон Абдулмажид 1-томонидан мазкур муборак буюмларни сақлаш учун махсус масжид бунёд қилинади ва унга Ҳирқаи шариф номи берилади.
Ҳозирда мазкур муборак ҳирқа махсус саккиз қиррали шаффоф призма ичида сақланади.
Ушбу кўргазма Ҳайит байрамига қадар давом этади.
