Исроил ХАМАСнинг “ғазаб кунига” чақириғидан кейин Ал-Ақса масжидига киришни чеклаб қўйди
Исроил ҳукумати жума намозини адо этмоқчи бўлган мусулмонларнинг Қуддусдаги Ал-Ақса масжидига киришларини чеклаб қўйди, деб хабар бермоқда Қувайтнинг “Ал-Рай” нашрига иқтибос келтирган ҳолда “ТАСС” ахборот агентлиги. Исроил ҳукумати ХАМАС ҳаракатининг “Исроил тажоввузига қарши ғазаб кунига” чақириғи сабабли шундай қарорга келди.Нашрнинг маълумотларига кўра, Исроил полицияси “Ал-Харам аш-Шариф” мажмуасига 50 ёшдан кичик бўлганларни киритмаяпти. Фаластин ва Исроил полициячилари юқори тайёргарликка келтирилган.Бундай чораларнинг қабул қилинишига Фаластиндаги Дума қишлоғида ўт қўйилиши оқибатида 1,5 яшар боланинг ўлимига, 3 кишининг жароҳат олишига олиб келган воқеа сабаб бўлди. Ушбу жиноятни яҳудий экстремистлар амалга оширгани тахмин қилинмоқда.
Kun.uz
