Қирғизистон интернет тармоқларида алкоголь маҳсулотларининг рекламаси тақиқланди
Қирғизистонда алкоголь маҳсулотларининг ҳар қандай турини реклама қилишга доир тақиқ кучга кирди. Қонунга кўра, мамлакат ҳудудида фаолият юритувчи ҳар қандай интернет тармоқлари ва KG.доменига тегишли саҳифаларда алкоголь маҳсулотларининг рекламаси қатъи тақиқланади. Ушбу тақиқ Қирғизистон Республикасига тегишли бўлмаган, лекин шу давлат фойдаланувчилари учун очиқ бўлган доменларга ҳам тегишли.
Қонунга мувофиқ, мазкур мавзудаги рекламанинг тарқатилишига реклама берувчи ҳам, рекаламани ўз саҳифасида эълон қилган сайт маъмурияти ҳам жавобгар ҳисобланади. Агарда реклама ҳориж сайтларида бўлса, у ҳолда реклама учун реклама берувчи ташкилот жавобгар бўлади, дея маълумот беради Қирғизистон Молия Вазирлиги матбуот ҳизмати.