Индонезиялик йигит Ҳажга 9 минг километр пиёда босиб келди
28 ёшли индонезиялик Муҳаммад Ҳамим Сетаван Ҳаж амалини адо этиш учун 9 минг километрлик масофани пиёда босиб, Саудия Арабистонига келди. У мазкур саёҳатни 2016 йилнинг 28 августида бошлаган эди.
Муҳаммад бу йўлда Индонезия, Мьянма, Ҳиндистон, Покистон, Оман, БАА каби мамлакатлар ҳудудини пиёда босиб ўтди. Унинг айтишича, асосан кечалари йўл юрган, тез-тез рўза тутган. Гоҳида масжидларда, гоҳида меҳмондўст одамларнинг уйларида, гоҳида табиат қўйнида тунашга тўғри келган.
“Мен ҳеч кимдан ҳеч қачон ҳеч нима сўрамадим, бироқ йўлда менга кўп яхши одамлар дуч келди, таомлантиришди ва керакли буюмлар беришди”, деди Муҳаммад Ҳамим Сетаван.