Экспертлар Мосулни қайта тиклашга неча йил кераклигини ҳисоблаб чиқишди
Жанговар ҳаракатлар натижасида вайрон бўлган Ироқнинг Мосул шаҳрини қайта тиклаш учун энг камида беш йил вақт ва миллиард доллар маблағ керак бўлади. Бу ҳақида Reuters агентилиги Ироқ ҳукуматининг олий мартабали вакили маълумотига таяниб хабар қилади.
Эслатиб ўтамиз, ҳозирда АҚШ бошлиқ коалиция ва Ироқ армияси ҳамкорликда шаҳарни ИШИДдан озод қилиш ҳаракатларини олиб бормоқда. Маълумотларга кўра, шаҳар батамом террорчилардан тозаланган.
Найнава провинциясининг ҳукуматдаги вакили Нуриддин Кабланнинг таъкидлашича, ҳозирда Мосулни қайта тиклаш режаси ишланмоқда. Унга кўра, биринчи ярим йилликда хавфсизлик чоралари кўрилади, сув ва электр таъминоти тикланади, қочоқлар ўз уйларига қайтарилади. Икки йиллик реконструкция ишларидан сўнг, иқтисодиётни ривожлантириш учун инвестициялар жалб қилинади.
Islam-today
