Дунёнинг энг йирик мусулмон давлатларидан бири 1000дан ортиқ масжидни тубдан ўзгартиришга киришди
Ахолисининг асосий қисмини мусулмонлар ташкил этадиган дунёнинг энг йирик мусулмон давлатларидан бири Индонезия, 2020йилга қадар мамлакат ҳудудидаги 1000дан ортиқ масжидларни экологик тоза масканга айлантириш режасини тузиб чиқди.
Индонезия давлати вице-президенти Юсуф Калло томонидан йўлга қўйилган ушбу лойиҳага кўра, барча масжидларни ўз-ўзини қайта ишловчи қувват манбаига улаш, сувни тежамкорлик билан сарфлаш ва чиқиндилар билан боғлиқ муаммоларни ҳал қилиш режалаштирилган.
Индонезия Уламолар Иттифоқи экология департаменти раҳбари Хайю Прабово бу ҳақида шундай дейди:
“Индонезиядаги мусулмон аҳолсининг кўпчилиги ҳукумат раҳбарларидан кўра диний уламоларнинг сўзларига қулоқ тутишади. Яъни, агар диний уламо бирор қарор қабул қилса уни сўзсиз бажаришади, лекин ҳукумат чиқарган қарорларга бўйсунмасликлари ҳам мумкин. Шунинг учун экологик муҳит борасидаги ғоянинг аввало масжидларда амалга оширилиши, бу режанинг тезроқ рўёбга чиқишига заминдир”
Эслатиб ўтамиз, Индонезия давлатида 800 000дан ортиқ масжидлар фаолият кўрсатади. Лойиҳа раҳбарлари, секин-аста барча масжидларда экологик муҳитни йўлга қўйгач, уни мамлакатнинг бошқа соҳаларига ҳам татбиқ қилиш осон кечади деган умиддалар.
