Чикагодаги ўзбеклар Қурбон ҳайитини биргаликда нишонлади
24 сентябрь куни Чикаго шаҳрида яшаётган ўзбеклар ҳам бутун дунёдаги барча мусулмонлар қаторида Қурбон ҳайити байрамини нишонлашди. Қуръон тиловати билан очилаган байрам кечаси исломий эслатмалар билан давом этди. Шунингдек, Чикаго ўзбек мактаби ўқувчилари ясаган санъат буюмлари қўйилган хайрия аукциони бўлиб ўтди. Аукциондан тушган маблағлар Чикаго ўзбек жамияти эҳсон қутисига ташланди.
Сўнгра болаларнинг Ўзбекистондаги қадриятлар ҳамда ислом дини бўйича билимларини синаш мақсадида савол-жавоб ўтказилди. Савол-жавоб қизғин руҳда ўтди ва болаларга совғалар тарқатилди.
Қолаверса, кеча давомида болаларга турли ўйинлар уюштирилди. Байрам охирида чикаголик ўзбеклар оқсоқоли Сирожиддин Насафий барчани дуо қилди ва барча ўзбекларга ватанни, динни, урф-одатни унутмаслик кераклигини эслатиб ўтди.
