Брюселлдаги католиклар мусулмонлар билан рўза тутишди
Брюсселнинг тарихий маркази Плас ду Бегинажда Авлиё Иоанн черкови жойлашган бўлиб, белгиялик католиклар барча мусулмонларни у ерга Рамазон ойининг кириб келишини нишонлашга таклиф қилишди, дея хабар беради Евроньюс. Фахрий меҳмонлар қаторида сўзга чиққан AL Mouwan Ислом ассоциацияси раҳбари Лахсен Хамуш шундай дейди: “Биз муқаддас Рамазон ойининг ушбу хайрли лаҳзаларида жамланган эканмиз, дини ва эътиқодидан қатъий назар барчага меҳр-мурувват ва чин қалбдан дўстлик туйғуларимизни изҳор қиламиз.
Биз бутун дунёга мусулмонлар террорчи эмас эканликларини кўрсатмоқчимиз. Бу ерда жамланган барча мусулмонлар, христианлар, яхудийлар ва бошқа диний эътиқоддагилар бирдам ва ҳамжиҳат бўла олишларини исботлайди”.
Рўзанинг шартларига кўра, шом намозидан сўнг таомланиш мумкинлиги сабаб, католик черкови вакиллари ушбу қоидага амал қилмоқдалар.
“Биз қилаётган амалларимиз жамиятимиз аъзолари саналган мусулмонларни қўллаб-қувватлаш мақсадида амалга оширилмоқда”, дейди роҳиб Жак Анон.
