БМТ: Мосулда ижтимоий ҳолат ҳалокатли даражада
Ироқнинг Мосул шаҳридаги ижтимоий вазият “ҳалокатли” деб баҳоланмоқда. Бу ҳақида БМТнинг қочоқлар ишлари бўйича вакили Меттью Солтмарш ўз интервьюси чоғида маълум қилган.
“Асосий ҳавф шаҳарнинг аҳоли зич яшайдиган ғарбий қисмида. Жанговар ҳаракатлар кетаётган пайтда бу ерларда одамларнинг қурбон бўлиши ҳавфи икки ҳисса ортади. Ҳозирда биз ҳамкорларимиз билан ёрдамга муҳтож одамларга тезроқ кўмак беришни муҳокама қилаяпмиз. Аҳвол жуда оғир”, - дейди у.
Мосул шаҳридан қочиб келган гувоҳларнинг айтишича, шаҳарда озиқ-овқат ва тоза ичимлик суви тақчил. Ўз навбатида озиқ-овқатлар нарҳи жуда баланд. Одамлар исиниш учун мебелларни ёқишмоқда. Халқаро ҳуқуқ ҳимоячилари ташкилоти маълумотига кўра, ҳозирда Мосулда 750 мингга яқин одам қамалда.
Islam-today
