БМТ бош котиби: Мьянмадаги рохинджаларга нисбатан зўравонлик тўхтатилиши лозим
БМТ бош котиби Антонио Гутерриш Мьянма ҳукуматини рохинджалик мусулмонларга нисбатан зўравонликни тўхтатишига ва ўз уйларини ташлаб кетган аҳолини қайтаришга чақирди.
“Биз аҳолининг ушбу қатламига нисбатан ҳар қандай ноҳақликларнинг тўхтатилишини ва Ракхайн штатининг чекка ҳудудларигача инсонийлик ёрдамлари етиб боришини талаб қиламиз”, - деди Гутерриш, жума куни Нью-Йорк журналистларига берган интервьюсида.
Бош котибнинг таъкидлашича, “барча аҳолининг... Бангладешга қочган қочоқлар...ҳавфсизлик таъминланган ҳолда ўз ватанларига қайтарилишлари энг муҳим масаладир.”
“Ҳозирги вақтда фуқаролигидан ажралган ва дискриминацияга учраган аҳолининг ҳуқуқий ҳолатини тиклаш,бу ҳолатларни юзага келишига сабаб бўлган вазиятни тартибга солиш энг асосий ва ўта зарур муаммодир”- дейди Бош котиб.
Шунингдек, у БМТ Рохинджа мусулмонларининг ҳуқуқларини таъминлаш масалалари борасида имкон даражасида ёрдам беришини қўшимча қилди.
Август ойининг охиридан бери мамлакатдаги нохуш вазият сабабли 600000дан ортиқ рохинджаликлар Бангладеш ҳудудига қочиб ўтишган.
Эслатиб ўтамиз, Инсон ҳуқуқларини ҳимоя қилиш ҳамжамияти ушбу ҳалқаро ташкилотга ва бутун дунё етакчи раҳнамоларига роҳинджа мусулмонларининг танг аҳволига эътибор қаратишни сўраб, бир неча бор мурожаат қилган эди.
АҚШ ҳуқуқни ҳимоя қилиш гуруҳи БМТдан Гаагадаги ҳалқаро жиноий суддан мазкур воқеалар юзасидан текширув бошланишини сўраб, мурожаат қилишини сўради