Берлинда мусулмонлар террорга қарши акция ўтказишди
22.12.2016 3666
Германиядаги бир гуруҳ мусулмон ёшлар терроризмга қарши акция ташкил этишди. Мазкур норозилик чиқиши Берлиндаги Рождество бозорида ўтказилди. Митингда қочоқлар ҳам иштирок этди. Бу акция бир пайтнинг ўзида бошқа шаҳарларга ҳам ёйилди. Рождество бозоридаги даҳшатли қотилликдан сўнг, Германия мусулмонлар иттифоқи бу воқеани кескин қоралаб чиқди ва мазкур ташаббусни илгари сурди.
“Терроризм яна бир бор ўзининг манфур қиёфасини кўрсатди. У ҳеч нарсадан қайтмайди ва барчани нарсани яксон қилишга тайёр. Хатто йўлида бегуноҳ одамлар учраса ҳам”, - деб таъкидлади иттифоқ вакили.
Эслатиб ўтамиз, Берлинда 19 декабрь куни бўлиб ўтган теракт натижасида 12 киши ҳалок бўлди ва 48 нафар одам жароҳатланди.
Islam-today
