БААда ислом динини ҳақорат қилган ҳиндистонлик судланмоқда
Бирлашган Араб Амирликларида интернет саҳифасида ислом динини ҳақорат қилган ҳиндистонлик шахс судланмоқда. 31 ёшли шахс 2016 йилнинг ноябрь ойида Фейсбукдаги саҳифасида ислом дини ва пайғамбаримиз Муҳаммад саллоллоҳи алайҳи васалламни ҳақоратловчни пост қолдирган.
Ушбу ёзувлар катта муҳокамаларга сабаб бўлгач, саҳифасидан ўчириб ташлайди. Бироқ ҳуқуқни муҳофаза қилиш органлари ундан нусха олишга улгурган эди ва булар унинг айбига далил сифатида ишлатилади.
Айбланувчи йигит мамлакатни тарк этмоқчи бўлган пайтда Дубай аэропортида ҳибсга олинган. Суд ҳукми шу йилнинг 21 мартида эълон қилиниши режалаштирилган.
Islam-today