БААда "ақлли" масжид қурилади
Бирлашган араб амирликларида тез орада “ақлли” масжидлар бунёд этилади. Бу ҳақида айни кунларда Дубай шаҳрида бўлиб ўтаётган Ахборот технологиялар кўргазмасида иштирок этган Honeywell компанияси маълум қилган. Тизимга масжид ҳудуди иқлимини назорат қилиш ва намоз вақтлари аниқлигини таъминлаш сингари бошқарув функциялари киритилади.
Тизимнинг синови Шаржадаги Ал-Тавба масжидида ўтказилди. Олти ойлик синов натижалар кутилганидек бўлди. Масжидда тизим кўмаги билан 37 фоиз энергияни тежашга эришилган.
Янги технологик тизим масжиднинг GPS-координатлари ва амалдаги санадан фойдаланган ҳолда мустақил ишлайди. Кун давомида иқлимни назорат қилади. Намоздан олдин масжид ичидаги ҳарорат автоматик тарзда туширилади. Намоз тугагач, совутиш тизим ўчади ва шу тариқа энергия иқтисод қилинади.