Швеция суди муслима аёлнинг ҳуқуқларини ҳимоя қилди
Ишга қабул қилиш учун суҳбат жараёни вақтида бегона эркак билан қўл бериб кўришидан бош тортган швециялик муслима аёлнинг ҳуқуқлари суд томонидан ҳимоя қилинди.
Гап шундаки, Швециянинг Уппсал шаҳрида истиқомат қилувчи 24 ёшли муслима таржимон сифатида ишга кириш учун суҳбатдан ўтади. Суҳбат бошида кадрлар бўлими ходими қизгақўл узатади. Муслима диний эътиқоди нуқтаи назаридан унинг қўлини тута олмаслигини тушунтириши билан суҳбат якунланади ва қиз ишдан маҳрум бўлади.
Муслима аёл ушбу воқеа юзасидан дискриминация муаммолари бўйича маҳаллий омбудсманга мурожаат қилган. Ушбу мурожаат кўриб чиқилгач, иш судга оширилган ва суд муслима аёлни дискриминацияга учраганини тасдиқлаган. Натижада суд муслима аёлнинг талабини қондирган ва уни суҳбатдан четлаштирган команияга 40 минг крон (3830 евро) товон пули тўлаш мажбуриятини юклаган.
«Суд, аёл кишнинг бегона эркак билан қўл бериб кўришишдан бош тортиши диний эътиқод нуқтаи назаридан бўлишини ҳисобга олиб, уни Европа инсон ҳуқуқларини ҳимоя қилиш конвенциясининг 9 моддасига биноан ўз ҳимояси остига олади”, – дейилади қарорда.
