Қозондаги масжидлар камбағалларга буюм ва маҳсулотларни тўплашмоқда
Татаристон Республикаси мусулмонлари бошқармаси яна бир ижтимоий лойиҳани бошлади.
Қозондаги масжидлар ташаббуси доирасида, ижтимоий ҳимояга муҳтожларга бепул ёрдам кўрсатиш мақсадида “Приют” пунктига зарур кийим-кечак, озиқ-овқат ва маиший буюмларни тўплаш ҳайрия акцияси эълон қилинди. Бу хақида пойтахт масжиди имомининг жума хутбаси давомида хабар қилинди.
Қозон шаҳридаги масжидларда болалар ва катталар учун кийим-кечак, пойфзал, озиқ-овқат маҳсулотлари (шакар, туз, макарон, дон, консерва ва бошқалар), идиш-товоқ, ўйинчоқ, уй-рўзғор буюмлари қабул қилинади.
"Ижтимоий реабилитация ва уйғунлаштириш маркази" нинг ташаббуси билан “Приют” номли муҳтожларга ёрдам кўрсатиш пункти очилган. Бу ерда бепул иссиқ овқат, кийим ва пойябзал етказиб бериш пункти, турар жой ва душ мавжуд.
Бундан ташқари, павилонга ташриф буюрганлар телефон алоқасидан фойдаланишлари, йўқолган ҳужжатларини қайта тиклаш, иш билан таъминлаш, ҳуқуқий маслаҳат ва дастлабки ёрдам олишлари мумкин. Кам таъминланган оилаларга, гиёҳванд ва алкоголга қарам кишиларга ёрдам бериш ҳам амалга оширилмоқда. Лойиҳа уйсизлар ва дайдилар орасида жиноятларнинг олдини олиш мақсадида амалга оширилди.
Таъкидлаш жоизки, Татаристон Республикаси мусулмонлари диний идораси бу ижтимоий лойиҳани амалга оширишда ва ҳалол гўшт билан таъминлашда иштирок этмоқда.
